ХАМГИЙН ОЛОН МОД ТАРЬЖ УРГУУЛСАН БАГ, ХАМТ ОЛОН, ИРГЭДИЙГ ШАГНАЖ УРАМШУУЛЛАА

   Монгол улсын Ерөнхийлөгчийн 2010 оны 63 дугаар зарлигаар жил бүр бүх нийтээр мод тарьдаг уламжлал тогтоод байна. Энэ хаврын хувьд дэлхий даяар тархаад буй COVID-19 вирусийн халдварын нөхцөл байдлын улмаас шалтгаалан бүх нийтээр мод тарих аяныг “Хашаандаа мод тарьцгаая”, “Хандлагаа өөрчилсөн иргэдтэй баг” гэсэн болзолт уралдааны хүрээнд зохион байгуулсан билээ.

 Байгууллагуудаас “Евро эко төгөл” СӨХ 1600 мод тарьж тэргүүлсэн бол Цагаанчулуут багийн иргэд 3650 мод тарьж ургуулан эхний байруудад шалгарчээ.

  Болзолт уралдаанд амжилттай оролцсон баг, байгууллага, иргэдийн шагналыг өнөөдөр Орхон аймгийн Засаг даргын орлогч С.Батжаргал, аймгийн БОАЖГ-ын дарга С.Жаргалсайхан нар ёслол хүндэтгэлийн өргөөнд гардуулан өглөө.                                 

  Мэдээллийн төв