Монгол улсын Төсвийн тухай хуульд аймаг, нийслэлийн Засаг дарга тухайн шатны жилийн төсвийн төслийг жил бүрийн 11 дүгээр сарын 25-ны дотор аймгийн иргэдийн Төлөөлөгчдийн Хуралд өргөн барихаар хуульчилсан. Өнөөдөр Орхон аймгийн ИТХ-ын дарга П.Пүрэвлхагвад Орхон аймгийн Засаг дарга Д.Батлут аймгийн 2019 оны төсвийн төслийг өргөн барьлаа. 

      2016-2020 онд хэрэгжүүлэх аймгийн Засаг Даргын үйл ажиллагааны хөтөлбөр, түүнийг дагаж гарсан дэд хөтөлбөрүүд, иргэдээс гарсан саналуудыг үндэслэн боловсруулсан Орхон аймгийн 2019 онд хэрэгжүүлэх “Нийгэм, эдийн засгийг хөгжүүлэх үндсэн чиглэл” зэрэг бодлогын баримт бичгүүдийн санхүүгийн эх үүсвэрийг баталгаажуулахад чиглэсэн талаар Орхон аймгийн Засаг дарга Д.Батлут хэлж байлаа. 

Мөн түүнчлэн төсвийн урсгал зардлыг хэмнэх, орон нутгийн хөрөнгө оруулалтын зардлыг нэмэгдүүлэх чиглэл барьж төсвийн төслөө боловсруулсанаа дурьдсан юм.