Балбад онгоц осолдож, зорчигчид бүгд амь үрэгджээ

2016-02-25 00:00 Уншсан тоо: 885
Үнэлгээ өгөх
(0 санал)

    Балбад өчигдөр бага оврын зорчигч тээврийн онгоцны осол гарч, 20 хүний амь үрэгджээ. Тэдгээрийн 18 нь зорчигч байсан гэнэ. Амиа алдсан иргэдийн дунд Хятад болон Кувейт улсын жуулчид байсан аж. Үйл явдлыг тодруулбал “Tara Airlines” агаарын тээврийн “Twin Otter” онгоц хөөрөөд удалгүй буюу 11 цагийн орчимд холбоо тасарчээ. Онгоц нислэгийн хуваарийн дагуу Покхара хотоор дайрч, Жомсон мужид газардах ёстой байж. Ослын шалтгааныг урьдчилсан байдлаар цаг агаарын таагүй байдалтай холбож үзэж байгаа аж. Чухам цаг агаарын нөхцөл тааруу байснаас эрэн хайх, аврах ажиллагааг уулархаг бүс нутагт онгоц сураггүй болсон даруй эхлүүлж чадаагүй байна. Аврах ажиллагааг өчигдөр 17.00 цагт эхэлсэн бөгөөд удалгүй буюу хоёр цагийн дараа онгоцны сэгийг олжээ.

               С.СҮЛД

Сэтгэгдэл үлдээх

АНХААРУУЛГА: Уншигчдын бичсэн сэтгэгдэлд tungalag.mn хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.