“Исламын улс” Ливид суурьшина

2016-01-19 00:00 Уншсан тоо: 1427
Үнэлгээ өгөх
(0 санал)

    “Исламын улс” бүлэглэлийн босогчдын шилжилт хөдөлгөөн ихээхэн нэмэгджээ. Олзлогдсон хээрийн дарга нарын мэдүүлэг, сансараас авсан зургаас харахад тус бүлэглэлийн цөм-гол хүч дотроо сөргөлдөөнтэй байгаа Ливи улс руу шилжиж эхэлжээ. Сирид ОХУ-ын агаарын цохилтын дор сэргэж эхэлсэн тус улсын армийн довтолгоо, Иракт АНУ болон түүний холбоотнуудын агаар, газрын зэвсэгт хүчин, Иракын цэргийн шахалтад орсон “Исламын улс” ийнхүү нэгэн цагт өрнөдийг алан хядагчдаас халхалж байсан томоохон халхавч, лалын ертөнцийн хамгийн тайван орны нэг байсан Ливи рүү цөмөрч байна. Ливи одоогоор засаглалаа ч тогтоож чадахгүй хоёр хэсэгт хуваагдаад байгаа тул лалын хэт даврагсдын хувьд таатай нөхцөлтэй байгаа юм. Ливи “Исламын улс” бүлэглэлийн цөм төв, “нийслэл” болох магадлал өндөр байгааг шинжээчид онцолж байна.

           С.СҮЛД

Сэтгэгдэл үлдээх

АНХААРУУЛГА: Уншигчдын бичсэн сэтгэгдэлд tungalag.mn хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.