Хятад улс төрийн албан хаагчаа 162 мянгаар цөөллөө

2014-10-20 00:00 Уншсан тоо: 44059
Үнэлгээ өгөх
(0 санал)

    Хятад улс төрийн албандаа цомхотгол хийж, одоогийн байдлаар 162 мянган төрийн албан хаагчийг ажлаас нь чөлөөлөөд байна. Энэ цомхотголтой зэрэгцүүлэн төрийн албаны үргүй зардлыг танаж, төрийн түшмэлүүдийн унадаг 120 мянган автомашиныг хурааж авчээ. Хятадад өмнөх удирдагчдын зарласан эдийн засгийн өөрчлөн байгуулалтыг далимдуулж, шинэ байгууллага, хэлтэс, тасаг дур мэдэн байгуулах явдал цөөнгүй гарсан байна. Шат шатны дарга нар өөрийн мэдлийн хүрээнд үүсгэсэн уг газартаа төрөл төрөгсөд, найз нөхдөө ажилд оруулж, улсын унаа, хангамж хэрэглэх төсөв баталж өгдөг байсныг мөрдөн шалгаж илрүүлснээ Хятадын хуулийн байгууллагууд мэдээлжээ. Ажлаасаа чөлөөгдсөн 162 мянган төрийн албан хаагчийн дийлэнхи нь ард түмний татвар, төсвийн хөрөнгийг шамшигдуулсан хэрэгт шалгагдаж, хатуу чанд шийтгэгдэх нь нэгэнт тодорхой болоод байгаа юм.

           С.СҮЛД

Сэтгэгдэл үлдээх

АНХААРУУЛГА: Уншигчдын бичсэн сэтгэгдэлд tungalag.mn хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.