Ардчилсан намын даргын сунгаанд С.Эрдэнэ ялалт байгуулжээ

2017-01-30 00:00 Уншсан тоо: 2464
Үнэлгээ өгөх
(0 санал)

    Ардчилсан намын намын даргын сонгууль өчигдөр орой буюу 01-р сарын 29-ний орой 22 цагт дууссан. Саналыг гараар тоолон нэгтгэж байгаа гэдэг шалтгаанаар дүн чамгүй хугацаагаар хүлээгдэж, өнөө өглөөнөөс олонд цацагдаж эхэллээ. Ардчилсан намын даргын сунгаанд өрсөлдсөн 5 нэр дэвшигчээс С.Эрдэнэ үнэмлэхүй олонхийн санал авч, намын дарга болох болзолоо хангажээ. Түүнд хотын дүүргүүд голлон саналаа өгсөн бол аманд хүзүүнд орсон Н.Алтанхуяг нэр дэвшигчийг хөдөө орон нутаг түлхүү дэмжсэн байна.

    Орхон аймгийн тухайд Н.Алтанхуягт итгэл үзүүлж нэгээр гаргажээ. Харин хамгийн даруухан буюу анх тохирч, “сум атгаж” гарснаараа нэгнээ муулж, өөрийгөө хэт дөвийлгөлгүй сурталчилгаа хийсэн н.Эрдэнэбат нэр дэвшигч араасаа тэргүүлсэн гэнэ. С.Эрдэнийн тухайд бохир өрсөлдсөн, мөнгө тараасан, сүлжээ зохион байгуулж дугуйлсан саналын хуудсаар санал өгүүлсэн гээд нэлээд зөрчил баримттайгаар яригдаж байгаа юм. Ямартаа ч нам бус иргэд цахим орчинд С.Эрдэнийг намын дарга болсонд таагүй хандаж байгаагаа олноороо илэрхийлж байна.

        Н.СҮЛД

2 сэтгэгдэл

Сэтгэгдэл үлдээх

АНХААРУУЛГА: Уншигчдын бичсэн сэтгэгдэлд tungalag.mn хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.