Орцны жижүүрүүд нэг дор нас баржээ

2017-01-17 00:00 Уншсан тоо: 1825
Үнэлгээ өгөх
(0 санал)

   Энэ сарын 16-ны өдөр Баянгол дүүргийн хоёрдугаар хорооны “Ногоон төгөл” хотхоны 73-р байранд архинд хордсон байж болзошгүй нэг эмэгтэй, хоёр эрэгтэй, нийт гурван хүн нас барсан байдалтай олджээ. Дуудлагын дагуу Баянгол дүүргийн цагдаагийн нэгдүгээр хэлтсийн шуурхай баг очиж, хэргийн газрын үзлэг хийсэн байна.Үзлэгийн явцад тус байранд жижүүрийн ажилтай 30-40 насны гурван хүн нэг дор нас барсан нь тогтоогджээ. Хэвлэл мэдээллээр болон цахим орчинд таван хүн нэг дор нас барсан гэж байгаа нь ташаа мэдээлэл бөгөөд өөр хоёр эрэгтэй тухайн хороонд нас барсан дуудлага нь тусдаа хэрэг аж. Одоогийн байдлаар хэргийн газарт цагдаагийн байгууллага мөрдөн шалгах ажиллагаа явуулж байгаа бөгөөд нотлох баримтуудыг шүүх эмнэлэгт шилжүүлсэн байна. Хэргийн газраас “Найрсаг” гэх архины шил, мөн нэг төрлийн шил арчигч шингэний сав олдсон гэх албан бус мэдээлэл байгаа юм. Одоогоор тус хорооны согтууруулах ундаа худалдан борлуулдаг 760 газрын үйл ажиллагааг түр зогсоож, хяналт шалгалт хийж байгаа аж.

Сэтгэгдэл үлдээх

АНХААРУУЛГА: Уншигчдын бичсэн сэтгэгдэлд tungalag.mn хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.