Монголын энхийн сахиулагчид үүргээ нэр төртэйгээр биелүүлжээ

2016-04-27 00:00 Уншсан тоо: 1022
Үнэлгээ өгөх
(0 санал)

     Өмнөд Суданд үүрэг гүйцэтгэж буй Монголын энхийг сахиулагчид үүргээ нэр төртэйгээр, хянамгай гүйцэтгэж, болзошгүй аюулыг таслан зогсоож чаджээ. Ахлагч Э.Энхээ, С.Эрдэнэбилэг нар харуулын цэг дээр үүрэг гүйцэтгэж байхдаа сэжиг бүхий орон нутгийн дөрвөн этгээдийг анзаарч ажигласан байна. Ажиглалтын явцдаа тэдгээр хүмүүсийг дотоодын дүрвэгсдийн хуарангаас холгүйхэн газар их хэмжээний сум, буу зэвсэг булсныг илрүүлсэн аж. Хэрэв ийн илрүүлж, эрсдлийг таслан зогсоогоогүй бол өмнө нь удаа дараа гарч байсан орон нутгийн жирийн иргэд, энхийг сахиулагчид руу гал нээдэг, ээлжит зэвсэгт халдлага гарах магадлал өндөр байжээ.

    Монголын цэнхэр дуулгатнуудын сонор сэрэмж учрах байсан эрдслийг зайлуулаад зогсохгүй "Монгол цэрэг" хэмээх брэнд нэрээ дахин дэлхийн хэмжээнд нотлон харууллаа. Ахлагч Э.Энхээ, С.Эрдэнэбилэг нарын гүйцэтгэсэн үүрэгт НҮБ-ын UNMISS ажиллагааны Хойд секторын командлал болон батальоны удирдлагууд баярласнаа илэрхийлж, урамшуулсан байна.

         С.СҮЛД

Сэтгэгдэл үлдээх

АНХААРУУЛГА: Уншигчдын бичсэн сэтгэгдэлд tungalag.mn хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.