Монголын ард түмэндээ илгээх сэтгэлийн минь үг...

2015-03-21 00:00 Уншсан тоо: 64862
Үнэлгээ өгөх
(19 санал)

  ... Намайг Идэрийн Золзаяа гэдэг. Энэ бол миний нийт Монголчууддаа илгээж буй захидал, миний сэтгэлийн үг... Би аав, ээжийн байдаг л нэг охин. Одоо бол Монгол түмний эс ширхэг, жирийн нэг бүсгүй. Гэхдээ би нялх балчиртаа оношлогдсон зүрхний хүнд өвчтэй. Хүүхэд гаргахгүй заалттай, 30 хүртлэх насны хэмжээстэй. Гэхдээ 200 сая төгрөгтэй бол Солонгост хагалгаанд ороод хүн шиг хүн болох сайн мэдээ саяхан сонссон... Би Монголын эгэл жирийн бүх л хүүхдүүдийн адил ээж, аавынхаа халуун алган дээр дэгэж дэрвэж хүүхэд насаа үдсэн. Жаргахдаа жаргаж, зовохдоо зовж, инээхдээ инээж, уйлахдаа уйлж амьдралынхаа 27 жилийг ардаа орхижээ... Нэг бодоход асар удаан, нөгөө санахад дэндүү ахархан мэт байсан энэ он жилүүд ээжийн минь хувьд миний амьдралын төлөө тэмцсэн, миний хувьд жаргаж амжихын төлөө тэмүүлсэн тийм л цаг хугацаа байв. Би тавгийн чихэр хуурайлж, хацар, хувцасны энгэрээ шокалад болгодог асан эрх хонгор насандаа дэндүү хайртай. Яагаад гэвэл... Тэр үед би энэ аймшигт өвчний тухай огт мэддэггүй байсан. Гэхдээ... Ээж минь наслах насыг нь цаанаас нь хэмжээд өгчихсөн бяцхан дэггүй охиноо харах бүртээ хэрхэн дотроо өмөрдөг байсан бол гэж бодохоор нулимс хоолойд тордог. Хэрэг тариад очих бүрт минь таны нүүрэнд тодордог үгээр илэрхийлж боломгүй гуниг, харцнаас тань гэрэлтдэг гүн бодролыг охин тань тайлж уншиж чаддаггүй байжээ... Уучлаарай ээж минь. Тээж төрүүлсэн, тэнчээлж өдий хүргэсэн таныхаа ачийг охин чинь яаж хариулахаа мэдэхгүй л явна. Тандаа зээг тань тэврүүлж, таныхаа үргэлжлэл болж ихийн их хайрыг тань өвлөх хувь дутсандаа охин чинь дандаа харамсдаг...

    Гэр цэвэрлэж байгаад би ээжийнхээ тэмдэглэлийн дэвтэрийг нуусан газраас нь санаандгүй олоод уншчихаж билээ...  Тэндээс би ээжийнхээ тэр гуниг, бодролыг бүрэн дүүрэн тайлж уншсан...Тиймээ би ээжийнхээ үргэлжлэл болж өнгөт орчлон дээр олон олон үрсийн төлөө сэтгэлээ шатааж амьдармаар байна. Миний хувьд үхэлтэй эвлэрсэн, үнэнтэй нүүр тулсан өдрүүд ар араасаа шилж дарж байгаа ч... Би амьдармаар байна. Үүнээс өмнө би дэндүү амиа бодож явжээ. Хэмжиж өгсөн тэр хэдэн насанд нь жаргаад авья л гэж эндүүрч явж... Одоо харин... Миний төлөө бүхнээ зориулсан, бүр зүрхээ хүртэл донор болгоё гээд явж байсан ээжийнхээ төлөө, тэр их хайр, зүтгэлийг нь үргүй үрэгдүүлэхгүйн төлөө...  Би амьдармаар байна... 

    Бас...  Би тэр аймшигт хэргийг дахин сөхөж та бүхний гэгээн мэлмийг сэвтүүлэхийг хүсэхгүй. Гэхдээ хүний хорвоогийн жамыг ухаарсан тэр мөчөөсөө үрээ элгэндээ тэврэхийн мөрөөсөл болж, хүүхдийн ход ход инээх дууг чихэндээ сонсож, хөөрхөн булцгар царайг нь нүдэндээ төсөөлж ирсэн миний хувьд бүр дэндүү хүнд туссан. Нүдээ бүлцийтэл уйлж, хаа нэгтэй хүүхэд уйлаад, аврал эрээд байгаа юм шиг санагдаж чих тавьсаар хэд дэхь шөнөө ч үдэж буйгаа тоолсонгүй. Яагаад эв эрүүл сав саруул тэр хөөрхөн охины оронд өвчтэй, зэрэмдэг намайг аваад явчихаагүй юм бэ гэж хувь тавиланг хүртэл зүхэв. Тиймээс л би, амьдралаа үнэлж чаддаггүй, алаг үрээ хайраар дутаадаг энэ хорвоогоос яаран буцахгүйгээр шийдсэн. Би одоо өөрийнхөө төлөө тайван үхэхийг бус, бусдын төлөө Монголын хаа нэгтээ нүдээ бүлтэлзүүлэн аврал эрж байж мэдэх тэдгээр бяцхан амьтадын төлөө тэмцэж амьдрахыг хүсч байна...   Би амьдармаар байна. Тээж төрүүлсэн ээжийнхээ, тэвэрч өндийлгөсөн эх орныхоо ачийг хариулж, тэгнэж өгсөн ачааг нь үүрч амьдрахыг хүсч байна. Бас...  Өдөр өдрийн нарыг харж, өөрт байгаагаа бусдад түгээж...  Хайрлаж, бас хайрлуулж...  Би амьдармаар байна. Монголчууд минь, надад бурханыг орлон амьдрал хайрлаач...  Надад туслаач...

         Та бүхнийг хүндэтгэсэн: Идэрийн Золзаяа

Хандивын данс:   Төрийн банк -  131100062647

                              Хаан банк -  5090664129

Холбоо барих утасны дугаар:   99601357, 88358256

116 сэтгэгдэл

  • Зочин 2015-03-22 04:14 Бичсэн: Зочин

    Мессежны тусгай дугаар нээлгэвэл бас зүгээр байхаа. Чи эдгэнээ Монголчууд бид чинь ер нь гэр амьтай нэгнээ гэсэн халуун сэтгэлтэй улс шүү дээ, тийм болохоор чиний ээжийгээ гэсэн сэтгэлийг ойлгож байгаа.

  • bolor 2015-03-22 03:43 Бичсэн: bolor

    Msjnii tusgai dugaar bhgui yu

  • хашир 2015-03-22 03:35 Бичсэн: хашир

    Өөртөө нь эмчтэй нь холбогдлоо. Зүрхний дөрвөлсөн гажиг гэдэг хэцүү оноштой юм байна. Найдлагагүй гэж байгаад дөнгөж сая л нэг газраас эмчлэгдэх боломж бий гэж хариу авчээ. Ёстой туслах хэрэгтэй, хүний итгэл даах хүүхэд шиг санагдлаа. Монголчууд минь анхааралдаа аваарай.

  • tenger 2015-03-22 02:39 Бичсэн: tenger

    Burhan chinii chin husliig sonsoj tusalna gedegt itgej baina. Amidraliin saihaniig udur mederch tsag much buriig az jargaltaigaar ugtaarai! Chamd amidraliin saihan buhniig abraliin achlal buhnig uruue!

  • Zochin 2015-03-22 02:08 Бичсэн: Zochin

    Hurdan edgeerei burkhan chamaig iveeg. Chin setgeleesee husie.

  • unshigch 2015-03-22 01:28 Бичсэн: unshigch

    Chamtai adil olon hun bii shu. Hurdan edgejgereed ,b
    usdiin tuhai olon zuiliig bodoj hiigeerei.

  • narka 2015-03-22 01:13 Бичсэн: narka

    chi Shiwedruu yabbal yasiin bi bas shiweded emchilgee sain hiigdeg gej sonsson um bna mongolchuud maani tuslamjiin garaa sungana gedegt itgeltei bna iimd chi amidraliig gerel gegeetei uudruguur harj bgaa chin bayarluushtai shuu duu mini chamd amjilt husie

  • baterdene 2015-03-22 00:46 Бичсэн: baterdene

    Chi az jargaltai saihan amidrah bno.yagaad gevel chi saihan setgelt mongoliin ur sad bolohoor mongoliin ard tumen chamd tuslah bno.

  • zochin 2015-03-22 00:24 Бичсэн: zochin

    Tiimee barag 5000 hun unssan bnshdee. Ene buh humuus 20000 tug hiihedl 100 say shuudee. Dalaid dusal nemer humuusee en ohind tuslatsgaayldaa. Ih baga gelgui hiigeedl baigarai bolno shuu. Bi zaaval mungu hiij holboo barih bolnoo. Minii zorig tevcheertei bgaarai buh zuil saihan bolno gej itgej bn

  • ts.oyungerel 2015-03-22 00:04 Бичсэн: ts.oyungerel

    Minii dvv chi shn amidrana. Chinii xaan bankni dans bwal ywyylarai.eswel biere yylzah bol yaj yylzah we.

Сэтгэгдэл үлдээх

АНХААРУУЛГА: Уншигчдын бичсэн сэтгэгдэлд tungalag.mn хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.