Монголын ард түмэндээ илгээх сэтгэлийн минь үг...

2015-03-21 00:00 Уншсан тоо: 64858
Үнэлгээ өгөх
(19 санал)

  ... Намайг Идэрийн Золзаяа гэдэг. Энэ бол миний нийт Монголчууддаа илгээж буй захидал, миний сэтгэлийн үг... Би аав, ээжийн байдаг л нэг охин. Одоо бол Монгол түмний эс ширхэг, жирийн нэг бүсгүй. Гэхдээ би нялх балчиртаа оношлогдсон зүрхний хүнд өвчтэй. Хүүхэд гаргахгүй заалттай, 30 хүртлэх насны хэмжээстэй. Гэхдээ 200 сая төгрөгтэй бол Солонгост хагалгаанд ороод хүн шиг хүн болох сайн мэдээ саяхан сонссон... Би Монголын эгэл жирийн бүх л хүүхдүүдийн адил ээж, аавынхаа халуун алган дээр дэгэж дэрвэж хүүхэд насаа үдсэн. Жаргахдаа жаргаж, зовохдоо зовж, инээхдээ инээж, уйлахдаа уйлж амьдралынхаа 27 жилийг ардаа орхижээ... Нэг бодоход асар удаан, нөгөө санахад дэндүү ахархан мэт байсан энэ он жилүүд ээжийн минь хувьд миний амьдралын төлөө тэмцсэн, миний хувьд жаргаж амжихын төлөө тэмүүлсэн тийм л цаг хугацаа байв. Би тавгийн чихэр хуурайлж, хацар, хувцасны энгэрээ шокалад болгодог асан эрх хонгор насандаа дэндүү хайртай. Яагаад гэвэл... Тэр үед би энэ аймшигт өвчний тухай огт мэддэггүй байсан. Гэхдээ... Ээж минь наслах насыг нь цаанаас нь хэмжээд өгчихсөн бяцхан дэггүй охиноо харах бүртээ хэрхэн дотроо өмөрдөг байсан бол гэж бодохоор нулимс хоолойд тордог. Хэрэг тариад очих бүрт минь таны нүүрэнд тодордог үгээр илэрхийлж боломгүй гуниг, харцнаас тань гэрэлтдэг гүн бодролыг охин тань тайлж уншиж чаддаггүй байжээ... Уучлаарай ээж минь. Тээж төрүүлсэн, тэнчээлж өдий хүргэсэн таныхаа ачийг охин чинь яаж хариулахаа мэдэхгүй л явна. Тандаа зээг тань тэврүүлж, таныхаа үргэлжлэл болж ихийн их хайрыг тань өвлөх хувь дутсандаа охин чинь дандаа харамсдаг...

    Гэр цэвэрлэж байгаад би ээжийнхээ тэмдэглэлийн дэвтэрийг нуусан газраас нь санаандгүй олоод уншчихаж билээ...  Тэндээс би ээжийнхээ тэр гуниг, бодролыг бүрэн дүүрэн тайлж уншсан...Тиймээ би ээжийнхээ үргэлжлэл болж өнгөт орчлон дээр олон олон үрсийн төлөө сэтгэлээ шатааж амьдармаар байна. Миний хувьд үхэлтэй эвлэрсэн, үнэнтэй нүүр тулсан өдрүүд ар араасаа шилж дарж байгаа ч... Би амьдармаар байна. Үүнээс өмнө би дэндүү амиа бодож явжээ. Хэмжиж өгсөн тэр хэдэн насанд нь жаргаад авья л гэж эндүүрч явж... Одоо харин... Миний төлөө бүхнээ зориулсан, бүр зүрхээ хүртэл донор болгоё гээд явж байсан ээжийнхээ төлөө, тэр их хайр, зүтгэлийг нь үргүй үрэгдүүлэхгүйн төлөө...  Би амьдармаар байна... 

    Бас...  Би тэр аймшигт хэргийг дахин сөхөж та бүхний гэгээн мэлмийг сэвтүүлэхийг хүсэхгүй. Гэхдээ хүний хорвоогийн жамыг ухаарсан тэр мөчөөсөө үрээ элгэндээ тэврэхийн мөрөөсөл болж, хүүхдийн ход ход инээх дууг чихэндээ сонсож, хөөрхөн булцгар царайг нь нүдэндээ төсөөлж ирсэн миний хувьд бүр дэндүү хүнд туссан. Нүдээ бүлцийтэл уйлж, хаа нэгтэй хүүхэд уйлаад, аврал эрээд байгаа юм шиг санагдаж чих тавьсаар хэд дэхь шөнөө ч үдэж буйгаа тоолсонгүй. Яагаад эв эрүүл сав саруул тэр хөөрхөн охины оронд өвчтэй, зэрэмдэг намайг аваад явчихаагүй юм бэ гэж хувь тавиланг хүртэл зүхэв. Тиймээс л би, амьдралаа үнэлж чаддаггүй, алаг үрээ хайраар дутаадаг энэ хорвоогоос яаран буцахгүйгээр шийдсэн. Би одоо өөрийнхөө төлөө тайван үхэхийг бус, бусдын төлөө Монголын хаа нэгтээ нүдээ бүлтэлзүүлэн аврал эрж байж мэдэх тэдгээр бяцхан амьтадын төлөө тэмцэж амьдрахыг хүсч байна...   Би амьдармаар байна. Тээж төрүүлсэн ээжийнхээ, тэвэрч өндийлгөсөн эх орныхоо ачийг хариулж, тэгнэж өгсөн ачааг нь үүрч амьдрахыг хүсч байна. Бас...  Өдөр өдрийн нарыг харж, өөрт байгаагаа бусдад түгээж...  Хайрлаж, бас хайрлуулж...  Би амьдармаар байна. Монголчууд минь, надад бурханыг орлон амьдрал хайрлаач...  Надад туслаач...

         Та бүхнийг хүндэтгэсэн: Идэрийн Золзаяа

Хандивын данс:   Төрийн банк -  131100062647

                              Хаан банк -  5090664129

Холбоо барих утасны дугаар:   99601357, 88358256

116 сэтгэгдэл

  • hair 2015-03-22 13:00 Бичсэн: hair

    hurdan idgej husel moroodloo bieluuleerei bolomjooroo handiv ognoo

  • ard tumendee 2015-03-22 12:56 Бичсэн: ard tumendee

    mongolchuud mini uvduj shanalsan humuus huuhduuddee tsulah uguumur saihan setgeltei ard tumen, iim ard tumnii dund baigaa ohin mini chi setgeliin handivaar eruul bolnoo, eejdee uriinhee zulaig unerluuleh bolno, ard tumen chamd tuslana, chi edgej eruul bolno, hund uvchniig zaaval yalna shuu, setgeliin tenhee, hattai baigaarai, amjilt husie, ard tumen mini amidraliin tuluu yavaa ohind bugdeeree tuslatsgaaya, urialj bna shuu

  • zochin 2015-03-22 12:21 Бичсэн: zochin

    mash oodrog uzeltei ohin b. chi edgenee! hurdan emchilgende yavad eruul bolod irerei! Mongolchud mini chadahara tuslatsgaaya!

  • Amgaa 2015-03-22 11:48 Бичсэн: Amgaa

    Hurdan edgeerei.bolomjooroo handiv ogch tusalnaa.olnii tus bagadahgui,olomgui dalai met bolno

  • ichko 2015-03-22 11:43 Бичсэн: ichko

    hurdan edgeerei

  • Байгалмаа 2015-03-22 11:29 Бичсэн: Байгалмаа

    Миний хөөрхөн охин эдгэнээ өөдрөг байгаарай
    бид чинь монголчууд шүү дээ
    Ийм хөөрхөн ухаалаг охиндоо тусалцгаая монглчуудаа...

  • chimgee gankhuyag 2015-03-22 11:08 Бичсэн: chimgee gankhuyag

    Золзаяа гэдэг энэ охиныг би мэднэ ээ энэ миний шавь байсан охин байна. Энэ охин үнэхээр ухаалаг хөөрхөн хүүхэд. Сургуульд ороод удалгүй бие нь дийлэхгүй болоод сургуулиас гарсан. Сурч байх хугацаандаа оюуны өндөр потенциалтай гэдгээ харуулж чадаж байсан мундаг охин билээ. Миний охинд ухаантай хүмүүс зөндөө таарч энэ хүнд өвчнөөс салах болно оо багш нь итгэж байна итгээрэй сайхан мөч ирнэ ээ. Одоо сурч байсан бол 3р курс байх байсан. Сурахад хэзээ ч оройтохгүй ээ . Юу санасан бүхэн чинь сэтгэлчлэн бүтнэ ээ миний охин.

  • Xvrel ochir 2015-03-22 10:53 Бичсэн: Xvrel ochir

    tand energiin medeelel oron zain shinjilex uxaani salbariin amdirliin amin uxamsart erstem sergeen baysuulaachidiin evleliin xamt olon xandaj baina .Tand vn tolborgvvgeer energiin medeelin onshilgoo xiij ogox sanaltai baina ta xvleej awmaar bol zowshoorol ognvv . 76028094. 89929207 . 96662376. 95976476. 89662376.98772376.91691108

  • zochin 2015-03-22 10:46 Бичсэн: zochin

    hvn ooroo l nvhniig yaldag.bvv shantar.minii ohin ch owchnii esreg hvvhdees garahaargvi temtsdeg,bi ch ingej chadah bolow uu gej boddog.edgene shvv.ohin mini

  • Uugii 2015-03-22 09:44 Бичсэн: Uugii

    Zaluu hun hetsee ch iim uheh yum bodoj bolohgui ee chi amidrah estoi hun!!! Saihan eejiinhee achiig zaaval hariulah uuregtei hun shuu Nz mini.

Сэтгэгдэл үлдээх

АНХААРУУЛГА: Уншигчдын бичсэн сэтгэгдэлд tungalag.mn хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.