Монголын ард түмэндээ илгээх сэтгэлийн минь үг...

2015-03-21 00:00 Уншсан тоо: 64859
Үнэлгээ өгөх
(19 санал)

  ... Намайг Идэрийн Золзаяа гэдэг. Энэ бол миний нийт Монголчууддаа илгээж буй захидал, миний сэтгэлийн үг... Би аав, ээжийн байдаг л нэг охин. Одоо бол Монгол түмний эс ширхэг, жирийн нэг бүсгүй. Гэхдээ би нялх балчиртаа оношлогдсон зүрхний хүнд өвчтэй. Хүүхэд гаргахгүй заалттай, 30 хүртлэх насны хэмжээстэй. Гэхдээ 200 сая төгрөгтэй бол Солонгост хагалгаанд ороод хүн шиг хүн болох сайн мэдээ саяхан сонссон... Би Монголын эгэл жирийн бүх л хүүхдүүдийн адил ээж, аавынхаа халуун алган дээр дэгэж дэрвэж хүүхэд насаа үдсэн. Жаргахдаа жаргаж, зовохдоо зовж, инээхдээ инээж, уйлахдаа уйлж амьдралынхаа 27 жилийг ардаа орхижээ... Нэг бодоход асар удаан, нөгөө санахад дэндүү ахархан мэт байсан энэ он жилүүд ээжийн минь хувьд миний амьдралын төлөө тэмцсэн, миний хувьд жаргаж амжихын төлөө тэмүүлсэн тийм л цаг хугацаа байв. Би тавгийн чихэр хуурайлж, хацар, хувцасны энгэрээ шокалад болгодог асан эрх хонгор насандаа дэндүү хайртай. Яагаад гэвэл... Тэр үед би энэ аймшигт өвчний тухай огт мэддэггүй байсан. Гэхдээ... Ээж минь наслах насыг нь цаанаас нь хэмжээд өгчихсөн бяцхан дэггүй охиноо харах бүртээ хэрхэн дотроо өмөрдөг байсан бол гэж бодохоор нулимс хоолойд тордог. Хэрэг тариад очих бүрт минь таны нүүрэнд тодордог үгээр илэрхийлж боломгүй гуниг, харцнаас тань гэрэлтдэг гүн бодролыг охин тань тайлж уншиж чаддаггүй байжээ... Уучлаарай ээж минь. Тээж төрүүлсэн, тэнчээлж өдий хүргэсэн таныхаа ачийг охин чинь яаж хариулахаа мэдэхгүй л явна. Тандаа зээг тань тэврүүлж, таныхаа үргэлжлэл болж ихийн их хайрыг тань өвлөх хувь дутсандаа охин чинь дандаа харамсдаг...

    Гэр цэвэрлэж байгаад би ээжийнхээ тэмдэглэлийн дэвтэрийг нуусан газраас нь санаандгүй олоод уншчихаж билээ...  Тэндээс би ээжийнхээ тэр гуниг, бодролыг бүрэн дүүрэн тайлж уншсан...Тиймээ би ээжийнхээ үргэлжлэл болж өнгөт орчлон дээр олон олон үрсийн төлөө сэтгэлээ шатааж амьдармаар байна. Миний хувьд үхэлтэй эвлэрсэн, үнэнтэй нүүр тулсан өдрүүд ар араасаа шилж дарж байгаа ч... Би амьдармаар байна. Үүнээс өмнө би дэндүү амиа бодож явжээ. Хэмжиж өгсөн тэр хэдэн насанд нь жаргаад авья л гэж эндүүрч явж... Одоо харин... Миний төлөө бүхнээ зориулсан, бүр зүрхээ хүртэл донор болгоё гээд явж байсан ээжийнхээ төлөө, тэр их хайр, зүтгэлийг нь үргүй үрэгдүүлэхгүйн төлөө...  Би амьдармаар байна... 

    Бас...  Би тэр аймшигт хэргийг дахин сөхөж та бүхний гэгээн мэлмийг сэвтүүлэхийг хүсэхгүй. Гэхдээ хүний хорвоогийн жамыг ухаарсан тэр мөчөөсөө үрээ элгэндээ тэврэхийн мөрөөсөл болж, хүүхдийн ход ход инээх дууг чихэндээ сонсож, хөөрхөн булцгар царайг нь нүдэндээ төсөөлж ирсэн миний хувьд бүр дэндүү хүнд туссан. Нүдээ бүлцийтэл уйлж, хаа нэгтэй хүүхэд уйлаад, аврал эрээд байгаа юм шиг санагдаж чих тавьсаар хэд дэхь шөнөө ч үдэж буйгаа тоолсонгүй. Яагаад эв эрүүл сав саруул тэр хөөрхөн охины оронд өвчтэй, зэрэмдэг намайг аваад явчихаагүй юм бэ гэж хувь тавиланг хүртэл зүхэв. Тиймээс л би, амьдралаа үнэлж чаддаггүй, алаг үрээ хайраар дутаадаг энэ хорвоогоос яаран буцахгүйгээр шийдсэн. Би одоо өөрийнхөө төлөө тайван үхэхийг бус, бусдын төлөө Монголын хаа нэгтээ нүдээ бүлтэлзүүлэн аврал эрж байж мэдэх тэдгээр бяцхан амьтадын төлөө тэмцэж амьдрахыг хүсч байна...   Би амьдармаар байна. Тээж төрүүлсэн ээжийнхээ, тэвэрч өндийлгөсөн эх орныхоо ачийг хариулж, тэгнэж өгсөн ачааг нь үүрч амьдрахыг хүсч байна. Бас...  Өдөр өдрийн нарыг харж, өөрт байгаагаа бусдад түгээж...  Хайрлаж, бас хайрлуулж...  Би амьдармаар байна. Монголчууд минь, надад бурханыг орлон амьдрал хайрлаач...  Надад туслаач...

         Та бүхнийг хүндэтгэсэн: Идэрийн Золзаяа

Хандивын данс:   Төрийн банк -  131100062647

                              Хаан банк -  5090664129

Холбоо барих утасны дугаар:   99601357, 88358256

116 сэтгэгдэл

  • saihan setgel 2015-03-23 08:00 Бичсэн: saihan setgel

    minii mongolchuud toogooroo tsuuhun ch setgeleeree delhii dvvren ard tvmen bolomjooroo tuslah dolnoo

  • пүүгий 2015-03-23 07:56 Бичсэн: пүүгий

    найз минь заавал идгэрнээ чи санахгүй ч байж магад харин чиний хэлсэн нэг үгээр би амьдралаа өөрчилж байсан шүү яахаа мэдэхгүй найз нь чамд хэцүү байна зовж байна үхмээр байна гэхэд чи минь намайг загнаад" үхэх гэж байгаа хүн 3хан секунт ч болтугай амьдрахын төлөө тэмцдэг" юм шүү гэж хэлж байсан тийм болохоор гайхамшиг бий болно гэдэгт итгээрэй

  • Ядамдоржийн Дашдорж  Хэнтий аймаг Хэрлэн сум Чингэс хот 2015-03-23 04:29 Бичсэн: Ядамдоржийн Дашдорж Хэнтий аймаг Хэрлэн сум Чингэс хот

    Сайн байна уу? Миний дүү нар, охиноос минь яалгаа юу байхав дээ Сэтгэлийн дэм буяны гараа сунгах болно охин минь Монголчууд гэдэг чинь сэтгэлийн хат,хүн чанараа дэлхийд хаана ч байхгүй ард түмэн шүү дээ миний охин сэтгэлийн тэнхээтэй байгаарай ?

  • negen eej 2015-03-23 02:44 Бичсэн: negen eej

    Ухаантай бас хүсэл тэмүүлэлтэй сайхан охин байна. Хамгийн гол нь бусдын төлөө сэтгэлтэйд нь хайрламаар бахархмаар байна. Далайд дусал нэмнээ эгч нь. Хэн нэгэнд хармын сэтгэлгүйгээр тусалж байсан бүх хүнийг хүндэтгэж энэ охинд бас өгөөмөр сэтгэлээр хандаж туслахыг уриалж байна.

  • ц 2015-03-23 01:26 Бичсэн: ц

    Адуунд, хүүхэнд, машинд, казинод,архинд,гангараанд,тэр олон хаусанд,өөрийгөө сурталчилах гэж худалдан авдаг шар хэвлэлийн нүүр-хуудасныхаа төлөө үрдэг мөнгөнөөсөө энэ хүнд өгөх нинжин сэтгэлд хүмүүн ШИНЭ ЦАГИЙН БАЯЧУУД дотроос олдохгүй юм уу?

  • Зочин 2015-03-23 01:07 Бичсэн: Зочин

    Муу тэнэг Мянганбаяр өчнөөн байр сав мөнгө төгрөг янз бүрийн хүүхнүүдэд тарааж цацаж дампуурч байхаар тэр мөнгөөр энэ бүсгүй шиг хичнээн хүний, хүүхдийн эмчилгээний зардлыг төлж чадах байсан бол. Гадаадад баячууд хандив, тусламж, буяны арга хэмжээ, үйл ажиллагаа их явуулдаг гэж уншиж л байна, Монголын баячууд тийм юм хийж байгаа нь дуулдахгүй юм. Оросын нэг хоккейчин нууцаар хүнд өвчтэй, хагалгааны мөнгө байхгүй олон хүүхдийн зардлыг өөрсдөд нь хэлэхгүй нууцаар төлж байсан нь тэдний хоккейн багийн онгоц сүйрч эрсэдсэний дараа олонд ил болж байсан. Манай баячууд, улс төрчид тэгтэл өөрийнхөө мөнгөөр туслахгүй байж улсын мөнгөөр хийгдэж байгаа, тусалж байгаа арга хэмжээн дээр бөөн бөөнөөрөө давхилдаж очоод өөрсдөө бүтээчихсэн аятай маадайгаад зогсож байгааг нь харахаар өмнөөс нь ичих юм. Хүний өмнөөс ичнэ гэдэг хамгийн хэцүү гэдэг яг үнэн шүү. Сэтгэл л дутаад байгаа хэрэг шүү дээ. Сэтгэл, сэтгэл, сэтгэл.

  • Зочин 2015-03-23 00:57 Бичсэн: Зочин

    Энэ дээр будсан мудсан гээд бичээд байгаа нөхөрт хэлэх ч үг олдохгүй байна. Чи харж л байгаарай, энэ бүсгүйд хандив тусламж нь цугларнаа. Монголчууд амьдрах гэж үзэж тарж байгаа ч гэсэн хажуугаар нь нэгэндээ мөнгө төгрөг илүүчилж чаддаг, цаанаасаа тийм хүмүүс.

  • jargalhand 2015-03-23 00:01 Бичсэн: jargalhand

    eleg negt mongolchuud maani tuslah bolno oo... amjilt ... hurdan edgereerei...

  • Enkhee 2015-03-22 23:46 Бичсэн: Enkhee

    Humuus yu geh n hamaagui minii duu ene erchee buu aldaarai,hurdan edgeerei amjilt,bolomjooroo tuslana aa

  • mongol busgui. 2015-03-22 18:33 Бичсэн: mongol busgui.

    Saikhan setgeltei humuus tuslah bolno oo.Amjilt husie!Edgereed bosood irne ee.

Сэтгэгдэл үлдээх

АНХААРУУЛГА: Уншигчдын бичсэн сэтгэгдэлд tungalag.mn хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.