Монголын ард түмэндээ илгээх сэтгэлийн минь үг...

2015-03-21 00:00 Уншсан тоо: 64185
Үнэлгээ өгөх
(19 санал)

  ... Намайг Идэрийн Золзаяа гэдэг. Энэ бол миний нийт Монголчууддаа илгээж буй захидал, миний сэтгэлийн үг... Би аав, ээжийн байдаг л нэг охин. Одоо бол Монгол түмний эс ширхэг, жирийн нэг бүсгүй. Гэхдээ би нялх балчиртаа оношлогдсон зүрхний хүнд өвчтэй. Хүүхэд гаргахгүй заалттай, 30 хүртлэх насны хэмжээстэй. Гэхдээ 200 сая төгрөгтэй бол Солонгост хагалгаанд ороод хүн шиг хүн болох сайн мэдээ саяхан сонссон... Би Монголын эгэл жирийн бүх л хүүхдүүдийн адил ээж, аавынхаа халуун алган дээр дэгэж дэрвэж хүүхэд насаа үдсэн. Жаргахдаа жаргаж, зовохдоо зовж, инээхдээ инээж, уйлахдаа уйлж амьдралынхаа 27 жилийг ардаа орхижээ... Нэг бодоход асар удаан, нөгөө санахад дэндүү ахархан мэт байсан энэ он жилүүд ээжийн минь хувьд миний амьдралын төлөө тэмцсэн, миний хувьд жаргаж амжихын төлөө тэмүүлсэн тийм л цаг хугацаа байв. Би тавгийн чихэр хуурайлж, хацар, хувцасны энгэрээ шокалад болгодог асан эрх хонгор насандаа дэндүү хайртай. Яагаад гэвэл... Тэр үед би энэ аймшигт өвчний тухай огт мэддэггүй байсан. Гэхдээ... Ээж минь наслах насыг нь цаанаас нь хэмжээд өгчихсөн бяцхан дэггүй охиноо харах бүртээ хэрхэн дотроо өмөрдөг байсан бол гэж бодохоор нулимс хоолойд тордог. Хэрэг тариад очих бүрт минь таны нүүрэнд тодордог үгээр илэрхийлж боломгүй гуниг, харцнаас тань гэрэлтдэг гүн бодролыг охин тань тайлж уншиж чаддаггүй байжээ... Уучлаарай ээж минь. Тээж төрүүлсэн, тэнчээлж өдий хүргэсэн таныхаа ачийг охин чинь яаж хариулахаа мэдэхгүй л явна. Тандаа зээг тань тэврүүлж, таныхаа үргэлжлэл болж ихийн их хайрыг тань өвлөх хувь дутсандаа охин чинь дандаа харамсдаг...

    Гэр цэвэрлэж байгаад би ээжийнхээ тэмдэглэлийн дэвтэрийг нуусан газраас нь санаандгүй олоод уншчихаж билээ...  Тэндээс би ээжийнхээ тэр гуниг, бодролыг бүрэн дүүрэн тайлж уншсан...Тиймээ би ээжийнхээ үргэлжлэл болж өнгөт орчлон дээр олон олон үрсийн төлөө сэтгэлээ шатааж амьдармаар байна. Миний хувьд үхэлтэй эвлэрсэн, үнэнтэй нүүр тулсан өдрүүд ар араасаа шилж дарж байгаа ч... Би амьдармаар байна. Үүнээс өмнө би дэндүү амиа бодож явжээ. Хэмжиж өгсөн тэр хэдэн насанд нь жаргаад авья л гэж эндүүрч явж... Одоо харин... Миний төлөө бүхнээ зориулсан, бүр зүрхээ хүртэл донор болгоё гээд явж байсан ээжийнхээ төлөө, тэр их хайр, зүтгэлийг нь үргүй үрэгдүүлэхгүйн төлөө...  Би амьдармаар байна... 

    Бас...  Би тэр аймшигт хэргийг дахин сөхөж та бүхний гэгээн мэлмийг сэвтүүлэхийг хүсэхгүй. Гэхдээ хүний хорвоогийн жамыг ухаарсан тэр мөчөөсөө үрээ элгэндээ тэврэхийн мөрөөсөл болж, хүүхдийн ход ход инээх дууг чихэндээ сонсож, хөөрхөн булцгар царайг нь нүдэндээ төсөөлж ирсэн миний хувьд бүр дэндүү хүнд туссан. Нүдээ бүлцийтэл уйлж, хаа нэгтэй хүүхэд уйлаад, аврал эрээд байгаа юм шиг санагдаж чих тавьсаар хэд дэхь шөнөө ч үдэж буйгаа тоолсонгүй. Яагаад эв эрүүл сав саруул тэр хөөрхөн охины оронд өвчтэй, зэрэмдэг намайг аваад явчихаагүй юм бэ гэж хувь тавиланг хүртэл зүхэв. Тиймээс л би, амьдралаа үнэлж чаддаггүй, алаг үрээ хайраар дутаадаг энэ хорвоогоос яаран буцахгүйгээр шийдсэн. Би одоо өөрийнхөө төлөө тайван үхэхийг бус, бусдын төлөө Монголын хаа нэгтээ нүдээ бүлтэлзүүлэн аврал эрж байж мэдэх тэдгээр бяцхан амьтадын төлөө тэмцэж амьдрахыг хүсч байна...   Би амьдармаар байна. Тээж төрүүлсэн ээжийнхээ, тэвэрч өндийлгөсөн эх орныхоо ачийг хариулж, тэгнэж өгсөн ачааг нь үүрч амьдрахыг хүсч байна. Бас...  Өдөр өдрийн нарыг харж, өөрт байгаагаа бусдад түгээж...  Хайрлаж, бас хайрлуулж...  Би амьдармаар байна. Монголчууд минь, надад бурханыг орлон амьдрал хайрлаач...  Надад туслаач...

         Та бүхнийг хүндэтгэсэн: Идэрийн Золзаяа

Хандивын данс:   Төрийн банк -  131100062647

                              Хаан банк -  5090664129

Холбоо барих утасны дугаар:   99601357, 88358256

107 сэтгэгдэл

  • мөнхөө 2016-02-28 04:58 Бичсэн: мөнхөө

    Сая л олж харлаа 2015 оны 3 сарын нийтлэл байхын тэрнээс хойш хөөрхий бүсгүйд хандив цугларч чадсан уу эмчилгээ хагалгаандаа орж эдгэрсэн юм болов уу энэ талын мэдээлэл байхгүй байна. Чин сэтгэлээсээ туслахсан.

  • Baagi 2016-02-28 00:34 Бичсэн: Baagi

    Naiz ni 150000 togrog handivllaa shyy londongoos

  • hair 2016-02-27 05:07 Бичсэн: hair

    4000 hvn 500 tugrug tegeed l bolloo dem demendee biesee hairlay mongolchuudaa

  • zochin 2016-02-27 00:41 Бичсэн: zochin

    Маш хурдан аян өрнүүл болохгүй бгаа бол төрийн бус блага анги хамт олноороо дамжуул

  • Bi 2016-02-26 20:40 Бичсэн: Bi

    Zaaval hevtert bgaa geed ovchtei gundsan tsaraitai baih albagui.

  • харлаа 2016-02-26 15:25 Бичсэн: харлаа

    уучлаарай, хэвтэрт байгаа хүн мөн үү, биш л байна даа, хэвтэрт байгаа бол хөмсөг, нүд, уруул ам будаастай л юм, нүд цоглог байнаа,

  • Аав... 2016-02-26 14:01 Бичсэн: Аав...

    Эдгэнээ эдгэнэ. Энхрий үрээ тэврэх болно. Элгэндээ нааж эрхлүүлэх болно. Ээжийгээ бас баярлуулах болно. Эх орондоо хэрэгтэй хүүг өсгөх болноо дүү минь. Эдгэнэ эх орон чинь чамд эдгэхийг тушааж байна. Эдгэнээ...

  • хүмүүн 2016-02-26 09:18 Бичсэн: хүмүүн

    гар утасны мессеж илгээх хэрэгтэй бна 4 опертор компанитай холбогд тэр хурдан шүү. хэний ч хань,ээж болохоор сайхан, хөөрхөн бүсгүй бна.

  • J.Zolzaya 2016-02-26 07:58 Бичсэн: J.Zolzaya

    Chi zaaval edgeh ystoi shuu. Bitgii shantraarai. Olon olon hunii saihan setgel ogoomor hairiin hucheer chi edgenee. Ogloo buriin nar chinii, minii toloo manddagiig uregelj sanaarai...

  • Tuslarai humuuse 2016-02-26 07:33 Бичсэн: Tuslarai humuuse

    2000 hun 1000 tug ughud l ene hun amidraltai boloh ni bnashde

Сэтгэгдэл үлдээх

АНХААРУУЛГА: Уншигчдын бичсэн сэтгэгдэлд tungalag.mn хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.