Орхон аймгийн эцэг, эхчүүдийн зөвөлгөөн болно

2018-01-25 00:00 Уншсан тоо: 856
Үнэлгээ өгөх
(0 санал)

   Орхон аймгийн эцэг, эхчүүдийн зөвөлгөөн "Гэр бүл хүүхдийн хүмүүжлийн анхдагч орчин" сэдвийн дор маргааш Хүүхдийн ордны их танхимд 10.00 цагаас нээлтээ хийнэ. Хүүхдийн эрх хамгааллын хууль эрх зүйн орчин бүрдсэнтэй холбоотойгоор хүүхэд хамгааллын бодлогыг сурталчлах, хүүхдийн хүмүүжилд эцэг, эхийн үүрэг хариуцлагыг өндөржүүлэх, эцэг эхийн санал бодол, дуу хоолойг сонсч хамтын үйл ажиллагаагаа өргөжүүлэх зорилго бүхий энэхүү зөвөлгөөнд 150 эцэг, эхийн төлөөлөл оролцох аж.

   Зөвөлгөөнийг хамтран зохион байгуулагчаар Боловсрол, соёл урлагийн газар, "Дэлхийн зөн" ОУБ-ын Эрдэнэт ОНХХ, "Гал голомт" үндэсний хөдөлгөөний Орхон аймаг дахь салбар хүрээ ажиллаж байгаа юм байна.

   Нийгэм дэх хүүхэд хамгааллыг гэр бүлийн орчинд нь тулгуурлан төлөвшүүлэх нь өнөөгийн бидний өмнө тулгамдаж байгаа гол асуудал билээ. Хүүхэд ямар хүн болох, хэрхэн хүмүүжих нь аав, ээжийн үлгэр дуурайлал, гэр бүлийн уур амьсгалаас шууд шалтгаалдаг. Тиймээс хүүхдийн хүмүүжил төлөвшил, тэдний эрх хамгаалалд эцэг, эхийн оролцоог нэмэгдүүлэх, төрийн байгуулллагын үйл ажиллагааг өрх гэрийн харилцаа хандлага, хэтийн төлөвтэй уялдуулан зохион байгуулах шаардлага дээр үндэслэн эцэг, эхчүүдийн зөвөлгөөнийг зохион байгуулахаар болжээ.

Сэтгэгдэл үлдээх

АНХААРУУЛГА: Уншигчдын бичсэн сэтгэгдэлд tungalag.mn хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.