ОЮУТАН ЦЭРГҮҮД ХЭЭРИЙН БЭЛТГЭЛ СУРГУУЛИЛТАД ГАРЛАА

2018-06-20 00:00 Уншсан тоо: 804
Үнэлгээ өгөх
(0 санал)

Улс орныхоо аюулгүй байдал, батлан хамгаалах хэрэгцээ, шаардлагыг хангах нь Монгол төрийн нэн тэргүүний үүрэг. Энэ чиглэлд хийж буй олон чухал ажлын нэг нь “Оюутан цэрэг”-т цэргийн мэргэжил олгох сургалт юм. 
     “Оюутан цэрэг” хөтөлбөр хэрэгжиж эхлээд 3 жил болж байна. Түүнээс хойш өнөөдрийг хүртэл улсын хэмжээгээр  2500 гаруй оюутан хамрагдаад байгаа аж.
    “Оюутан цэрэг”-т цэргийн мэргэжил олгох сургалт нь агуулга багтаамж сайтай, шахуу хөтөлбөртэйгээр явагддагаараа онцлогтой. 
    Харин манай аймгийн хувьд 2017 оноос эхлэн Батлан хамгаалахын сайдтай аймгийн Засаг даргын  хамтран ажиллах гэрээнд тусгаж  анх удаа манай аймагт зохион байгуулагдаж эхэлсэн билээ.      
    Батлан хамгаалах тухай хууль, Цэргийн албаны тухай хууль, Батлан хамгаалахын сайдын тушаалууд, аймгийн Засаг даргын 2018 оны 2 дугаар сарын 14-ны адрийн а/72 дугаар захирамжийг тус тус үндэслэн Орхон аймагт хоёр дахь удаагийн “Оюутан цэрэг”-т цэргийн мэргэжил олгох сургалтыг 2018 оны 4 дүгээр сарын 1-ээс 8 дугаар сарын 12-ны хооронд зохион байгуулж байна.
       Оюутан цэрэгт цэргийн мэргэжил олгох сурталтад хамрагдах хүсэлтэй оюутнуудыг “Цэргийн алба хаагчдын эрүүл мэндийн байдлыг тодорхойлох журам”-ыг  баримтлан эрүүл мэндийн үзлэгт оруулан, тэнцсэн оюутнуудыг 3 дугаар сараас эхлэн академик сургалтад хамруулсан бөгөөд өчигдөр Зэвсэгт хүчний 186 дугаар ангийн сургалтын полигоныг түшиглэн хээрийн дадлага сургуулилтад гаргаж, нээлтийн арга хэмжээг зохион байгууллаа. 
      Хээрийн дадлага, сургуулилтын нээлтийн ажиллагаанд Орхон аймгийн Засаг дарга Д.Батлут, Орхон аймгийн Цэргийн штабын дарга, хурандаа Г.Батсуурь, зэвсэгт хүчний 186-р ангийн захирагч, хурандаа Д.Жигжидсүрэн болон Дархан-Уул, Булган аймгуудын цэргийн штабын дарга нар мөн хүрэлцэн ирж оролцсон юм. 
 

Мэдээллийн төв

Сэтгэгдэл үлдээх

АНХААРУУЛГА: Уншигчдын бичсэн сэтгэгдэлд tungalag.mn хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.